Friday 14 July 2017

ઓ સોના તેરે લિયે

ક્યારેક લાગે છે કે જિંદગીમાં એટલી બધી મુશ્કેલીઓ આવી ગઈ છે કે એનો કોઈ અંત નથી. પરંતુ, ખુશીઓ ફક્ત એક ડગલું દૂર હોય એમ પણ બની શકે. બની શકે કે એ તરફ એક કદમ આપણે પોતે જ ભરવું પડે. એ વચ્ચેનું જે અંતર છે તે ફક્ત પૂર્ણ કરવાનું છે... ક્યારેક કોઈ એક વ્યક્તિ આપણી ખુશી માટે થઈને કંઈક કરતી હોય અને એનો આપણને ખ્યાલ જ ન આવે એમ પણ બની શકે. કારણ કે ઘણી બધી વખત આપણી માટે કોઈ એક વ્યક્તિ દેવદૂત સમાન હોય જ છે. પરંતુ, ક્યારેક આપણને એની જાણ હોતી નથી. એક વ્યક્તિ આપણી માટે ગમે તેટલી વેદના સહન કરે, પણ આપણને જો ખ્યાલ જ ન હોય, તો આપણે એની તરફ એ નજરથી જોઈ જ નહીં શકીએ. પરંતુ, ક્યારેક ફક્ત એ વ્યક્તિની વધુ નજીક જવાથી કે એ વ્યક્તિનો આદર કરવાથી પણ ઘણી બધી પરિસ્થિતિઓ વ્યવસ્થિત થઈ જતી હોય છે. જો એ સમજણમાં જ ન આવે તો વરસતો વરસાદ પણ આપણને ભીંજવી શકતો નથી અને જો એ ખ્યાલ આવી જાય તો એ જ વરસાદ સાથે બધુ દુ:ખ અને બધા આંસુઓ ધોવાઈ જાય છે. કારણ કે આપણી ખુશીઓ ફક્ત આપણે જ શોધી શકીએ છીએ, કોઈ વ્યક્તિ આપણને માર્ગ બતાવી શકે છે, પરંતુ આપણો એ રસ્તો આપણે જાતે જ પૂર્ણ કરવો પડે છે...

ગીત - ઓ સોના તેરે લિયે
ફિલ્મ - મોમ 
ગીતકાર - ઈર્શાદ કામિલ
સંગીતકાર - એ. આર. રહેમાન
ગાયકો - રહેમાન અને શાશા તિરુપતિ



No comments:

Post a Comment